Ta'lim va tarbiya nazariyasi va metodikasi (sohalar bo’yicha)

70110401 – Ta’lim va tarbiya nazariyasi va metodikasi (boshlang‘ich ta’lim) magistratura mutaxassisligi boshlang‘ich ta’limning nazariy asoslari, o‘qitish metodikasi, zamonaviy pedagogik texnologiyalar, ta’lim jarayonini tashkil etish hamda boshlang‘ich sinf o‘quvchilarining bilim, ko‘nikma va kompetensiyalarini rivojlantirish sohasida yuqori malakali mutaxassislarni tayyorlashga yo‘naltirilgan. Mutaxassislik umumiy o‘rta ta’lim tizimining boshlang‘ich bosqichida pedagogik, ilmiy-tadqiqot hamda metodik faoliyatni tashkil etish bilan bog‘liq masalalarni qamrab oladi.

Tarkib va o‘quv rejasi

Ta’lim jarayonida magistrantlar:

• Boshlang‘ich ta’lim pedagogikasi va psixologiyasi;
• Boshlang‘ich ta’lim metodikasi;
• Ona tili va o‘qish savodxonligini o‘qitish metodikasi;
• Matematika o‘qitish metodikasi;
• Tabiiy fanlarni o‘qitish metodikasi;
• Tarbiya metodikasi;
• Zamonaviy pedagogik texnologiyalar;
• Boshlang‘ich ta’limda innovatsion texnologiyalar;
• Boshlang‘ich ta’limda axborot-kommunikatsiya texnologiyalari;
• Pedagogik mahorat va pedagogik kompetentlik;
• Ilmiy tadqiqot metodologiyasi;
• Akademik yozuv;
• Ilmiy-pedagogik faoliyat

yo‘nalishlarida bilim va ko‘nikmalarni egallaydilar.

Dasturni o‘rganish natijalari

Dasturni muvaffaqiyatli tamomlagan magistr:

• boshlang‘ich ta’lim jarayonini zamonaviy pedagogik yondashuvlar asosida tashkil etish;
• boshlang‘ich sinf fanlarini o‘qitish metodikasini ishlab chiqish va takomillashtirish;
• ta’lim jarayonida zamonaviy pedagogik va axborot texnologiyalaridan foydalanish;
• o‘quvchilarning bilim, ko‘nikma, ijodiy qobiliyat va kompetensiyalarini rivojlantirish;
• ta’lim samaradorligini baholash va pedagogik jarayonni tahlil qilish;
• ilmiy-pedagogik tadqiqotlar olib borish va natijalarini ta’lim amaliyotiga joriy etish

ko‘nikmalariga ega bo‘ladi.

Karyera imkoniyatlari

Mutaxassislik bitiruvchilari:

• boshlang‘ich ta’lim fani o‘qituvchisi;
• boshlang‘ich ta’lim metodisti;
• ta’lim tashkilotlarida pedagog;
• boshlang‘ich ta’lim bo‘yicha ilmiy-tadqiqotchi;
• ta’lim muassasalarining metodik xizmat xodimi;
• umumiy o‘rta ta’lim muassasalari o‘qituvchisi;
• oliy ta’lim muassasalari o‘qituvchisi;
• ilmiy-tadqiqot institutlari va markazlari xodimi

sifatida faoliyat yuritishlari mumkin.