Boshlang'ich ta'lim

Boshlang‘ich ta’lim bakalavriat ta’lim dasturi umumiy o‘rta ta’lim muassasalari uchun zamonaviy pedagogik bilim va kasbiy kompetensiyalarga ega bo‘lgan boshlang‘ich sinf o‘qituvchilarini tayyorlashga qaratilgan. Dastur fundamental nazariy fanlar, pedagogik va psixologik tayyorgarlik, zamonaviy o‘qitish metodikalari, pedagogik amaliyot hamda yakuniy davlat attestatsiyasini o‘z ichiga oladi.

Ta’lim jarayonida talabalar bolalar psixologiyasi, boshlang‘ich ta’lim metodikasi, raqamli ta’lim texnologiyalari, interfaol o‘qitish usullari va sinfni boshqarish ko‘nikmalarini egallaydilar. Pedagogik amaliyot orqali ular haqiqiy maktab muhitida dars o‘tish tajribasini orttirib, nazariy bilimlarini amaliyot bilan mustahkamlaydilar.

Dastur muvaffaqiyatli yakunlangach, bitiruvchilarga "Bakalavr" akademik darajasi beriladi hamda davlat namunasidagi oliy ma’lumot to‘g‘risidagi diplom topshiriladi.

Bitiruvchilarning faoliyat yo‘nalishlari:

• Umumiy o‘rta ta’lim maktablarida boshlang‘ich sinf o‘qituvchisi;
• Davlat va nodavlat ta’lim muassasalarida pedagog;
• Ta’lim tizimida kabinet mudiri, laboratoriya assistenti va o‘quv-uslubiy xodim;
• Maktabgacha va umumiy ta’lim muassasalarida metodist;
• Ta’lim vazirliklari, hududiy boshqarmalar va boshqa ta’lim tashkilotlarida metodist va mutaxassis;
• Xususiy ta’lim markazlari hamda boshqa ta’lim muassasalarida pedagogik faoliyat.