Soliqlar va soliqqa tortish

Soliqlar va soliqqa tortish (Bakalavriat)

Alfraganus Universitetining Soliqlar va soliqqa tortish dasturi talabalarga soliq tizimi, soliq qonunchiligi, davlat moliyasi, buxgalteriya hisobi va moliyaviy nazorat yo‘nalishlari bo‘yicha chuqur nazariy bilim hamda amaliy ko‘nikmalar beradi. Dastur davlat soliq organlari, moliya institutlari, auditorlik va konsalting kompaniyalari hamda xususiy korxonalarda faoliyat yurita oladigan malakali mutaxassislarni tayyorlashga qaratilgan.

Davomiyligi: 4 yil (8 semestr)
Kreditlar: 240 ECTS
Daraja: Soliqlar va soliqqa tortish bakalavri
Ta’lim shakli: Kunduzgi

Asosiy fanlar: Soliq nazariyasi, Soliq qonunchiligi, Davlat budjeti, Buxgalteriya hisobi, Moliyaviy hisob, Audit, Moliya, Korporativ soliqqa tortish, Xalqaro soliqqa tortish, Soliq ma’murchiligi, Ekonometrika, Iqtisodiy tahlil va Axborot texnologiyalari.

Malakaviy amaliyot dasturning muhim qismi hisoblanadi. Talabalar soliq organlari, moliya vazirligi tizimidagi muassasalar, auditorlik va konsalting kompaniyalari, banklar, korxonalar hamda boshqa hamkor tashkilotlarda amaliyot o‘tash orqali kasbiy tajriba orttiradilar.

Bitiruvchilar soliq inspektori, soliq maslahatchisi, auditor, buxgalter, moliyaviy tahlilchi, iqtisodchi hamda davlat va xususiy tashkilotlarda soliq va moliya yo‘nalishi bo‘yicha mutaxassis sifatida faoliyat yuritishlari mumkin.

Dastur soliq siyosatini tahlil qilish, soliqlarni hisoblash va boshqarish, moliyaviy hisobotlarni baholash, amaldagi soliq qonunchiligini qo‘llash hamda xalqaro mehnat bozori talablariga mos professional kompetensiyalarni rivojlantirishga yo‘naltirilgan.

*Xorijiy talabalar uchun kontrakt to‘lovi miqdori 25 000 000 (yigirma besh million) so‘m etib belgilangan.