Dasturiy injiniring

Dasturiy injiniring (Bakalavriat)

Alfraganus Universitetining Dasturiy injiniring dasturi talabalarga zamonaviy dasturiy ta’minotni loyihalash, ishlab chiqish, sinovdan o‘tkazish va qo‘llab-quvvatlash bo‘yicha chuqur nazariy bilim hamda amaliy ko‘nikmalar beradi. Dastur axborot texnologiyalari sohasida yuqori malakali dasturiy injiniring mutaxassislarini tayyorlashga qaratilgan.

Davomiyligi: 4 yil (8 semestr)
Kreditlar: 240 ECTS
Daraja: Dasturiy injiniring bakalavri
Ta’lim shakli: Kunduzgi

Asosiy fanlar: Dasturlash asoslari, Obyektga yo‘naltirilgan dasturlash, Ma’lumotlar tuzilmalari va algoritmlar, Ma’lumotlar bazasi, Operatsion tizimlar, Kompyuter tarmoqlari, Dasturiy ta’minot arxitekturasi, Veb dasturlash, Mobil ilovalarni ishlab chiqish, Sun’iy intellekt asoslari, Kiberxavfsizlik, Bulutli texnologiyalar, Dasturiy ta’minotni testlash va Axborot-kommunikatsiya texnologiyalari.

Malakaviy amaliyot dasturning muhim qismi hisoblanadi. Talabalar IT kompaniyalari, dasturiy ta’minot ishlab chiquvchi korxonalar, texnologik startaplar, davlat va xususiy tashkilotlarning axborot texnologiyalari bo‘limlarida amaliyot o‘tash orqali real loyihalarda ishtirok etish va kasbiy tajriba orttirish imkoniyatiga ega bo‘ladilar.

Bitiruvchilar dasturiy injiner, veb dasturchi, mobil ilovalar dasturchisi, ma’lumotlar bazasi mutaxassisi, tizim tahlilchisi, dasturiy ta’minotni testlash muhandisi (QA), DevOps mutaxassisi hamda IT loyiha menejeri sifatida faoliyat yuritishlari mumkin.

Dastur zamonaviy axborot texnologiyalari talablariga muvofiq dasturlash, tizimli fikrlash, muammolarni tahlil qilish, innovatsion yechimlar ishlab chiqish va jamoada samarali ishlash bo‘yicha professional kompetensiyalarni rivojlantirishga qaratilgan.

*Xorijiy talabalar uchun kontrakt to‘lovi miqdori 25 000 000 (yigirma besh million) so‘m etib belgilangan.