Psixologiya (amaliy psixologiya)

Psixologiya (Bakalavriat)

Alfraganus Universitetining Psixologiya dasturi talabalarga inson psixikasi, xulq-atvori va shaxs rivojlanish qonuniyatlari bo‘yicha chuqur nazariy bilim hamda amaliy ko‘nikmalar beradi. Dastur zamonaviy psixologik yondashuvlar, ilmiy tadqiqot metodlari va amaliy psixologiya yo‘nalishlarini uyg‘unlashtirgan holda malakali mutaxassislarni tayyorlashga qaratilgan.

Davomiyligi: 4 yil (8 semestr)
Kreditlar: 240 ECTS
Daraja: Psixologiya bakalavri
Ta’lim shakli: Kunduzgi

Asosiy fanlar: Umumiy psixologiya, Rivojlanish psixologiyasi, Pedagogik psixologiya, Ijtimoiy psixologiya, Shaxs psixologiyasi, Psixodiagnostika, Psixologik maslahat, Psixologik tadqiqot metodlari, Psixofiziologiya, Konfliktologiya, Psixologiyada axborot-kommunikatsiya texnologiyalari va Kasbiy etika.

Amaliyot dasturning muhim qismi hisoblanadi. Talabalar ta’lim muassasalari, tibbiyot tashkilotlari, psixologik markazlar, korxona va tashkilotlar hamda boshqa muassasalarda amaliyot o‘tash orqali psixologik diagnostika, maslahat berish va amaliy faoliyat bo‘yicha tajriba orttiradilar.

Bitiruvchilar ta’lim muassasalari, sog‘liqni saqlash tizimi, psixologik markazlar, davlat va nodavlat tashkilotlari, inson resurslarini boshqarish bo‘limlari hamda ilmiy-tadqiqot muassasalarida psixolog, maslahatchi, HR mutaxassisi va tadqiqotchi sifatida faoliyat yuritishlari mumkin.

Dastur zamonaviy psixologiya talablari asosida analitik fikrlash, kasbiy etika, samarali muloqot, ilmiy-tadqiqot olib borish va psixologik yordam ko‘rsatish bo‘yicha professional kompetensiyalarni rivojlantirishga qaratilgan.

*Xorijiy talabalar uchun kontrakt to‘lovi miqdori 25 000 000 (yigirma besh million) so‘m etib belgilangan.