Psixologiya

 Psixologiya

  "Psixologiya" yo'nalishi inson ruhiy faoliyatining qonuniyatlari, shaxsiyat rivojlanishi, ijtimoiy munosabatlar va
  xulq-atvorni ilmiy asosda o'rganadigan keng qamrovli ta'lim dasturidir. Dastur talabalarni nazariy bilim va amaliy
  psixologik metodlar bilan qurollantirib, ularni ta'lim, sog'liqni saqlash, biznes va ijtimoiy soha kabi turli
  yo'nalishlarda faoliyat olib borishga tayyorlaydi. Dual ta'lim shakli orqali talabalar nazariyani real psixologik
  markazlar, maktablar va kompaniyalarning HR bo'limlaridagi amaliyot bilan birga o'zlashtiradilar.

  Dastur maqsadlari

  Insonning ruhiy jarayonlari, individual xususiyatlari va guruhdagi xulq-atvorini ilmiy tahlil qila oladigan, zamonaviy
   psixodiagnostika va psixokorreksiya usullarini amaliyotda qo'llay oladigan, ta'lim, klinik, oilaviy va tashkiliy
  sohalarda ishlay oladigan yuqori malakali psixologlarni tayyorlash.

  Asosiy o'quv fanlari:

  • Umumiy psixologiya va shaxsiyat psixologiyasi
  • Yosh va pedagogik psixologiya
  • Ijtimoiy psixologiya va guruh dinamikasi
  • Klinik psixologiya va psixopatologiya asoslari
  • Kognitiv va neyropsixologiya
  • Psixodiagnostika va eksperimental psixologiya
  • Psixologik maslahat va psixoterapiya asoslari
  • Oilaviy psixologiya va bola psixologiyasi
  • Tashkiliy psixologiya va HR psixologiyasi
  • Psixologik tadqiqotlar uchun matematik statistika

  Olinadigan ko'nikmalar:

  • Psixologik testlar va diagnostika usullari yordamida shaxsiyat va kognitiv qobiliyatlarni baholash
  • Bola va kattalar bilan psixologik maslahat suhbatlarini olib borish
  • Stress, tashvish, deprezsiyaning oldini olish va yengillashtirish bo'yicha ishlash
  • Tashkilotlarda jamoa muhitini tahlil qilish va xodimlarning samaradorligini oshirish
  • Ilmiy tadqiqotlar olib borish va statistik ma'lumotlarni (SPSS, JASP) tahlil qilish

  Kasbiy istiqbollar

  Dastur bitiruvchilari quyidagi lavozimlarda muvaffaqiyatli faoliyat olib boradilar: maktablar va kollejlarda amaliy
  psixolog (psixolog-pedagog), klinikalar va sog'lomlashtirish markazlarida klinik psixolog, oilaviy va bola psixologi,
  korxonalar va banklarda HR-psixolog va xodimlar bilan ishlash bo'yicha mutaxassis, biznes-koach va trener, psixologik
  xizmat ko'rsatish markazlarida konsultant, ilmiy-tadqiqot institutlarida psixolog-tadqiqotchi hamda mustaqil shaxsiy
  psixolog.

  Davomiyligi: 4 yil (bakalavriat) | Ta'lim shakli: Dual | Soha: Sotsiologiya va psixologiya