Boshlang'ich sinf o'qituvchisi

Boshlang'ich ta'lim

"Boshlang'ich ta'lim" yo'nalishi pedagogika va psixologiya sohalari kesishuvida shakllangan kasbiy ta'lim dasturi bo'lib, uning bosh maqsadi umumiy o'rta ta'lim tizimining boshlang'ich bosqichi (1–4-sinflar) uchun yuqori malakali, kompetensiyaviy yondashuvga asoslangan pedagog kadrlarni tayyorlashdan iborat. Yo'nalish kichik maktab yoshidagi (6–10/11 yosh) o'quvchilarning bilim, ko'nikma va malakalarini, shuningdek ularning intellektual, axloqiy, estetik va jismoniy rivojlanishini ta'minlashga qaratilgan ilmiy-uslubiy bilimlar majmuini o'zlashtirishni nazarda tutadi.

Kasbiy faoliyat ob'ekti va predmeti

Bo'lajak mutaxassisning kasbiy faoliyat ob'ekti boshlang'ich ta'lim tizimidagi pedagogik jarayon, ya'ni ta'lim, tarbiya va rivojlantirishning yaxlit birligi hisoblanadi. Faoliyat predmeti sifatida esa kichik yoshdagi o'quvchilarda dastlabki o'quv ko'nikmalari (o'qish, yozish, hisoblash) hamda umummadaniy va shaxsiy kompetensiyalarni shakllantirish jarayonlarini ilmiy asoslangan metodikalar vositasida boshqarish maydonga chiqadi.