Boshlang‘ich ta’lim

60110400 – Boshlang’ich ta’lim yo’nalishi bitiruvchilarining kasbiy faoliyat turlari:

umumiy o’rta ta’lim maktablarining boshlang’ich sinflarida “Ona tili va o’qish savodxonligi”, “O’qish”, “Matematika”, “Texnologiya”, Geografiya tarkibidagi: “Tabiatshunoslik”, “Tabbiy fanlar”, “Tarbiya”, o’rta maxsus, kasb-hunar ta’lim muassasalarida kasbiy fanlaridan o’rnatilgan tartibda dars berish;
umumiy o’rta ta’lim maktablari, ixtisoslashtirilgan maktab, kasb-hunar kollejlari va maktabdan tashqari muassasalarida o’qituvchi (tashkilotchi) bo’lib ishlash;
ta’lim tizimida kabinet mudiri, laborant va unga tenglashtirilgan lavozimlarda ishlash;
mos ta’lim yo’nalishlar bo’yicha ta’limni amalga oshiruvchi vazirliklar, uning tarmoq boshqarmalari va muassasalarida metodist bo’lib ishlash;
ilmiy-tadqiqot tashkilotlarida kichik ilmiy xodim bo’lib ishlash;
mahalliy o’z-o’zini boshqarish organlari hamda joylardagi ma’naviyat va ma’rifat markazlarida ishlash;
boshlang’ich ta’lim pedagogikasi va texnologiyasi, o’qitishning didaktik vositalarini ishlab chiqish va amaliyotga joriy etish.
Boshlang’ich ta’lim yo’nalishi bitiruvchilari O’zbekiston Respublikasi Oliy va o’rta maxsus ta’lim vazirligi tomonidan belgilanadigan magistratura mutaxassisligi bo’yicha ikki yildan kam bo’lmagan muddatda o’qishni davom ettirishi, oliy ta’limdan keyingi ta’lim (ikkinchi mutaxasislik)da davom ettirishi mumkin. Shuningdek, o’rnatilgan tartibda mustaqil tadqiqotchilik asosida ilmiy-tadqiqot ishlarini olib borishi mumkin.