Maktabgacha ta’lim

TA’LIM DASTURI HAQIDA

Ta’lim yo‘nalish nomi:  “Maktabgacha ta’lim”

Ta’lim yo‘nalishi tavsifi:

Maktabgacha ta’lim — Kelajak avlod tarbiyasining asosi!

Ushbu ta’lim dasturi orqali siz hozirgi va kelajakda dolzarb bo‘lgan yo‘nalishlardan biri — Maktabgacha ta’lim sohasida chuqur bilim va malakalarga ega bo‘lasiz. Inson hayotining ilk bosqichlari eng muhim rivojlanish davri bo‘lib, aynan shu davrda berilgan ta’lim va tarbiya kelajak avlodning shakllanishida asosiy rol o‘ynaydi.

3 yil davomida siz maktabgacha yoshdagi bolalarning psixologiyasi, pedagogikasi, rivojlanish bosqichlari, kreativ o‘qitish metodlari hamda zamonaviy ta’lim texnologiyalari bilan yaqindan tanishasiz. Sizga kerakli nazariy bilimlar bilan birga, real amaliyotlar orqali malakangizni oshirishingiz uchun keng imkoniyatlar yaratiladi.

Bu yo‘nalish nafaqat milliy, balki xalqaro ta’lim standartlariga asoslangan bo‘lib, xorijda tan olingan dasturlar bilan uyg‘unlashtirilgan. Maktabgacha ta’lim — har qanday jamiyatning taraqqiyoti uchun eng muhim poydevor hisoblanadi.

60110200-Maktabgacha ta’lim yo‘nalishi bo‘yicha bakalavriat bitiruvchilari o‘qishni tamomlagandan so‘ng maktabacha ta'lim tashkilotida kasb standartiga muvofiq tarbiyachi-pedagog, uslubchi  maqomida pedagogik faoliyat olib borish;

• Maktabgacha va maktab ta'limi vazirligi tizimidagi idoralarda;
• Maktabgacha ta'lim fanlar yo‘nalishidagi ilmiy-tadqiqot institutlarida kichik ilmiy xodim bo‘lib ishlash;
• Maktabgacha ta'lim tashkilotlari direktori, kasb standartiga muvofiq ta'lim muassasasini boshqarish;
• Maktabgacha ta'lim, professional ta’lim muassasalari, oliy ta’lim muassasalarida kabinet mudiri sifatida faoliyat yuritish bilan bog’liq kasbiy sohalar majmuini qamrab oladi.

Biz bilan ta’lim oling va farzandlar kelajagini shakllantiradigan professionallar qatoridan joy oling!

Mazkur ta’lim dasturida siz 6 semestir (3 yil) davomida jami: 180 kredit to‘plashingiz zarur bo‘ladi. Jumladan

Jami auditoriya soati: 4650 soat

Malkaviy amaliyot: 750 soat

Jami o‘quv yuklama hajmi : 5400 soatni tashkil etadi.

Qo‘shimcha izoxlar:

• 1 Kredit 30 akademik soatni tashkil etadi.
• Nazariy va amaliy yaxlitliklikni ta’minlash uchun malakaviy amaliyotlar tashkilot va korxonalarda o‘tkaziladi.
• Talaba bilimini baholash kredit tizimiga muvofiq ishlab chiqilgan nizmom asosida amalga oshiriladi