Infokommunikatsiya injiniringi

 Axborot va aloqa muhandisligi

Tavsif:

Ushbu ta’lim yo‘nalishi zamonaviy telekommunikatsiya va axborot texnologiyalari sohasida yuqori malakali muhandislarni tayyorlashga qaratilgan. Ushbu yo‘nalishda siz ilg‘or raqamli aloqa tizimlari, axborot uzatish texnologiyalari, tarmoq xavfsizligi, sun’iy intellekt asosida ishlaydigan aloqa vositalari va tarmoqlarni boshqarish kabi yo‘nalishlar bo‘yicha chuqur bilimlarga ega bo‘lasiz.

2 yil davomida siz signal ishlov berish, yuqori chastotali tizimlar, optik aloqa, 5G va undan keyingi avlod texnologiyalari, hamda global axborot infratuzilmalarini loyihalash va optimallashtirish bo‘yicha nazariy va amaliy ko‘nikmalarni shakllantirasiz.

Dastur sizni ilmiy-tadqiqotga yo‘naltiradi, real muammolarga muhandislik yechimlarini taklif qila oladigan, innovatsion fikrlaydigan va zamonaviy texnologiyalarni chuqur anglaydigan mutaxassis sifatida yetishtiradi.

Mazkur ta’lim dasturida siz 4 semestr (2 yil) davomida jami:
120 kredit to’plashingiz zarur bo’ladi. Jumladan

Umumiy topshiriqlar hajmi: 3600 soat

Ilmiy-pedagogik ish va malaka amaliyoti: 300 soat

Ilmiy-tadqiqot ishi va magistrlik dissertatsiyasini tayyorlash: 900 soatni tashkil etadi.

Qo’shimcha izoxlar:

• 1 Kredit 30 akademik soatni tashkil etadi.
• Nazariy va amaliy yaxlitliklikni ta’minlash uchun malakaviy amaliyotlar tashkilot va korxonalarda o’tkaziladi.
• Talaba bilimini baholash kredit-modul tizimiga muvofiq ishlab chiqilgan nizmom asosida amalga oshiriladi