Foundation Certificate in Biosciences leading to Biomedical Studies

DASTUR TA’RIFI

Biomeditsina muhandisligi – bu muhandislik bilimlarini biologiya va tibbiyotga tatbiq etish bilan shug‘ullanuvchi sohadir. Ushbu dastur tibbiyot va texnika sohasidagi mutaxassislar ehtiyojlarini qondirish, biomeditsina muhandisligidagi muammolar bo‘yicha muhandislik va tibbiy bilimlarni kengaytirish hamda texnik mutaxassislarning ushbu muammolarga e’tiborini qaratish maqsadida ishlab chiqilgan.

Biomeditsina muhandisligi dasturi talabalarga biomeditsina qurilmalari, materiallari, biomeditsina tasvirlash texnologiyalari, modellashtirish, simulyatsiya va ma’lumotlarni tahlil qilish ko‘nikmalarini o‘rganishga imkon beradi.

DASTUR MAZMUNI

Ta’lim ilg‘or, innovatsion o‘quv rejalari, dasturlar va uslublar asosida olib boriladi. Darslar yetakchi xorijiy professorlar hamda yetakchi mahalliy kompaniyalarning yuqori malakali mutaxassislari tomonidan, ishlab chiqarishga integratsiyalashgan innovatsion ta’lim tizimi asosida o‘tiladi.

Dastur quyidagilarni o‘z ichiga oladi: kurs ishlari, laboratoriya mashg‘ulotlari, amaliy darslar, treninglar va tibbiyot muassasalarida amaliyotlar. Talabalar majburiy fanlar orqali biomeditsina muhandisligi bo‘yicha asosiy bilimlarni oladilar va tanlov fanlari orqali o‘z yo‘nalishlarini chuqurlashtiradilar.

Dastur quyidagi yo‘nalishlarni qamrab oladi:

• Biomeditsina qurilmalari va materiallari

• Biomeditsina tasvirlash texnologiyalari

• Biomeditsina hisoblash tizimlari

KARYERA IMKONIYATLARI

Biomeditsina muhandisligi yo‘nalishini bitirgan talabalar quyidagi kasblarda ishlashlari mumkin:

• Biomeditsina qurilmalarini texnik xizmat ko‘rsatish muhandisi

• Biomeditsina ma’lumotlarini tahlil qilish bo‘yicha muhandis

• Biotexnolog

• Biomeditsina muhandisligi bo‘yicha ilmiy-tadqiqot va ishlab chiqish muhandisi

• va boshqa tegishli sohalar bo‘yicha mutaxassis sifatida

KONTRAKT NARXI

Universitetda kontrakt to‘lovi akademik o‘qitish, imtihonlar va bitiruv jarayonlari xarajatlarini o‘z ichiga oladi.
To‘lov har semestr uchun amalga oshiriladi va butun yil uchun yoki bo‘lib-bo‘lib to‘lash mumkin.
Xalqaro talabalar uchun kontrakt narxi yiliga 7 000 AQSH dollari.

Ko‘rsatilgan summa 2025-yil 16-iyuldagi valyuta kursiga asosan o‘zbek so‘mida hisoblab chiqiladi.