Moliya va moliyaviy texnologiyalar

Moliya va moliyaviy texnologiyalar (Bakalavriat)

Alfraganus Universitetining Moliya va moliyaviy texnologiyalar dasturi talabalarga moliyaviy boshqaruv, bank-moliya tizimi, investitsiyalar, raqamli moliya va zamonaviy moliyaviy texnologiyalar bo‘yicha chuqur nazariy bilim hamda amaliy ko‘nikmalar beradi. Dastur banklar, moliya institutlari, fintech kompaniyalari, sug‘urta tashkilotlari va korxonalarda faoliyat yurita oladigan malakali mutaxassislarni tayyorlashga qaratilgan.

Davomiyligi: 4 yil (8 semestr)
Kreditlar: 240 ECTS
Daraja: Moliya va moliyaviy texnologiyalar bakalavri
Ta’lim shakli: Kunduzgi

Asosiy fanlar: Moliya nazariyasi, Korporativ moliya, Bank ishi, Investitsiyalar, Moliyaviy menejment, Moliyaviy tahlil, Buxgalteriya hisobi, Soliqlar, Fintech asoslari, Raqamli to‘lov tizimlari, Xalqaro moliya, Sug‘urta ishi va Risklarni boshqarish.

Malakaviy amaliyot dasturning muhim qismi hisoblanadi. Talabalar banklar, moliya institutlari, sug‘urta kompaniyalari, investitsiya va lizing tashkilotlari, fintech kompaniyalari, davlat idoralari hamda xususiy korxonalarda amaliyot o‘tash orqali kasbiy tajriba orttiradilar.

Bitiruvchilar moliyachi, bank mutaxassisi, investitsiya tahlilchisi, moliyaviy menejer, fintech mutaxassisi, risk-menejer, auditor hamda davlat va xususiy tashkilotlarda moliya yo‘nalishi bo‘yicha mutaxassis sifatida faoliyat yuritishlari mumkin.

Dastur moliyaviy tahlil, investitsiya loyihalarini baholash, raqamli moliyaviy xizmatlarni boshqarish, strategik moliyaviy qarorlar qabul qilish hamda xalqaro mehnat bozori talablariga mos professional kompetensiyalarni rivojlantirishga yo‘naltirilgan.

*Xorijiy talabalar uchun kontrakt to‘lovi miqdori 25 000 000 (yigirma besh million) so‘m etib belgilangan.