Maxsus pedagogika (faoliyat turlari bo‘yicha)

 Jismoniy madaniyat ta'lim yo'nalishi

  Jismoniy madaniyat bakalavriat dasturi talabalarni sog'lom turmush tarzini targ'ib qiluvchi, jismoniy tarbiya va sport sohasida
  zamonaviy pedagogik, biologik va psixologik bilimlarga ega bo'lgan yetuk mutaxassis sifatida tayyorlaydi. Dastur jismoniy tarbiya
  darslarini ilmiy asosda tashkil etish, yoshlarda sport madaniyatini shakllantirish hamda sog'liqni saqlash texnologiyalarini amaliyotda
  qo'llashga yo'naltirilgan.

  Dasturning maqsadi

  Dastur umumiy o'rta ta'lim maktablari, akademik litseylar, kasb-hunar maktablari va sport tashkilotlarida jismoniy tarbiya darslarini
  yuqori sifatda olib bora oladigan, yoshlarning jismoniy rivojlanishi va sog'lig'i uchun mas'uliyatli pedagog-murabbiylarni tayyorlashga
  qaratilgan.

  Asosiy o'quv fanlari:

  • Jismoniy tarbiya nazariyasi va metodikasi
  • Sport pedagogikasi va psixologiyasi
  • Inson anatomiyasi va fiziologiyasi
  • Sport gigienasi va biokimyosi
  • Yengil atletika, gimnastika, suzish, sport o'yinlari
  • Milliy harakatli o'yinlar va kurash turlari
  • Mashg'ulotlarni rejalashtirish va nazorat qilish
  • Sport tibbiyoti va birinchi tibbiy yordam asoslari

  Egallanadigan ko'nikmalar:

  • Turli yosh guruhlari uchun jismoniy tarbiya darslarini ilmiy asosda loyihalash
  • Sport mashg'ulotlarini xavfsiz va samarali tashkil etish
  • Yoshlarning jismoniy holatini baholash va monitoring qilish
  • Sog'lom turmush tarzini targ'ib qilish va shakllantirish
  • Sport musobaqalarini tashkil etish va hakamlik qilish

  Kasbiy imkoniyatlar

  Bitiruvchilar umumta'lim maktablari, akademik litseylar va kasb-hunar maktablarida jismoniy tarbiya o'qituvchisi, bolalar-o'smirlar
  sport maktablarida murabbiy, fitnes va sog'lomlashtirish markazlarida instruktor, sport tashkilotlari va federatsiyalarida metodist,
  shuningdek mahalla va davlat tashkilotlarida jismoniy tarbiya bo'yicha mutaxassis sifatida faoliyat olib borishlari mumkin.

  Davomiyligi: 4,5 yil (Bakalavr) | Ta'lim shakli: Kechki | Yo'nalish kodi: 60112200