Iqtisodiyot

Iqtisodiyot yo'nalishi (Kechki ta'lim)

"Iqtisodiyot" bakalavriat yo'nalishi talabalarda zamonaviy bozor iqtisodiyotining nazariy asoslari va amaliy mexanizmlarini chuqur shakllantirishga qaratilgan. Kechki ta'lim shakli ish faoliyati bilan band yoshlar uchun maxsus moslashtirilgan bo'lib, mehnat va o'qishni muvaffaqiyatli uyg'unlashtirish imkonini beradi.

Yo'nalishning maqsadlari

Talabalarni mikro- va makroiqtisodiy jarayonlarni mustaqil tahlil qila oladigan, iqtisodiy qarorlar qabul qilish hamda samarali biznes-strategiyalarni ishlab chiqishga qodir yuqori malakali mutaxassislar sifatida tayyorlash.

Asosiy o'quv fanlari:

• Mikroiqtisodiyot va Makroiqtisodiyot
• Iqtisodiy ta'limotlar tarixi
• Ekonometrika va iqtisodiy statistika
• Pul, kredit va banklar
• Soliqlar va soliqqa tortish
• Korxonalar iqtisodiyoti
• Xalqaro iqtisodiy munosabatlar
• Marketing va menejment asoslari

Talabalar egallaydigan ko'nikmalar:

• Iqtisodiy ko'rsatkichlar va moliyaviy hisobotlarni tahlil qilish
• Bozor tendensiyalarini baholash va prognozlash
• Biznes-rejalar va investitsiya loyihalarini tuzish
• Iqtisodiy-matematik modellashtirish usullarini qo'llash
• Statistik dasturlar (Excel, SPSS, EViews) bilan ishlash

Kasbiy faoliyat imkoniyatlari

Bitiruvchilar bank-moliya muassasalarida, soliq va statistika idoralarida, davlat boshqaruvi organlarida, sanoat va savdo korxonalarining iqtisodiy bo'limlarida, audit va konsalting kompaniyalarida hamda xalqaro tashkilotlarda iqtisodchi, moliyaviy analitik, audit mutaxassisi va menejer lavozimlarida faoliyat yuritishlari mumkin.

Davomiyligi: 4,5 yil (bakalavriat) | Ta'lim shakli: Kechki | Ta'lim tili: O'zbek va Rus tillari