Rejissorlik: kino va televideniye rejissorligi

Ushbu ta’lim dasturi talabalarga kino va televideniye rejissyorligi san’ati bo‘yicha chuqur nazariy bilimlar va amaliy ko‘nikmalarni shakllantirishga qaratilgan. Dars jarayonida kino, televideniye, radio va ommaviy tomoshalar teatrda rejissura nazariy asoslari, janr xususiyatlari, aktyorlik bilan o‘zaro munosabat,  jamoa bilan ishlash, montaj,tasviriy ifoda, ovoz yozish va uni badiiy ishlash texnologiyalari o‘rgatiladi.

Dastur tarkibiga amaliy mashg‘ulotlar, ustozlar bilan mahorat darslari va real sahna maydonlarida ijodiy ishlanmalar kiritilgan. Bu esa talabaga kino,televideniye rejissyorligi bo‘yicha zarur texnik va badiiy sifatlarni rivojlantirish imkonini beradi.

 Biz bilan ta’lim oling — va kino televideniye dunyosidagi maqsadlaringizga erishing!

Mazkur ta’lim dasturida siz 7 semestr (4 yil) davomida 240 kredit  to‘plashingiz zarur bo ‘ladi.

Jami auditoriya soati 3030 soat

Malakaviy amaliyot soati 450 soat

Bitiruv malakaviy ishi 240 soat

1 kredit 30 akademik soatni tashkil qiladi.

1. GPA ko‘rsatkichi avgust oyining uchinchi haftasida aniqlanadi.
2. “Rejissura” fani 7 ta qismga bo‘linib o‘qitiladi.
3. “montaj” fani 7 ta qismga bo‘linib o‘qitiladi.
4. “Aktyorlik mahorati” fani 6 ta qismga bo‘linib o‘qitiladi.
5. “Ssnariynavistlik” fani 5 ta qismga bo‘linib o‘qitiladi.
6. “Media studiya amaliyoti” fani 3 ta qismga bo‘linib o‘qitiladi.
7.  O‘quv reja asosida ishchi o‘quv rejasini tuzishda talabalar yuklamasining haftalik hajmini saqlagan holda o‘quv fanlari bloki hajmini 5 foizgacha, bloklar tarkibidagi fanlar hajmini 10 foizgacha o‘zgartirish hamda auditoriya yuklamasining umumiy hajmini saqlagan holda ayrim semestrlarda haftalik yuklamalar hajmini erkin belgilash mumkin.
8. Yakuniy davlat attestatsiyasi muddatlari tarkibiga bitiruv malakaviy ishini himoya qilish ham kiradi.
9. O‘quv rejaga kiritiladigan ixtisoslikka oid fanlarning amaliy mashg‘ulotlari va laboratoriya ishlari oliy ta’lim muassasasi hamda bazaviy  tashkilot va korxonalarda o‘tkaziladi.

Nazariya va amaliyot yaxlitligini ta’minlash uchun talabalarning malakaviy amaliyotlari bazaviy tashkilot va korxonalarda o‘tkaziladi