NamMTI rektori boshchiligidagi vakillarimiz “Yoshlik-1” konida.

Bugun Namangan muhandislik-texnologiya instituti rektori Odiljon Mamatkarimov boshchiligidagi institut vakillari Olmaliq kon-metallurgiya kombinati tarkibidagi “Yoshlik-1” konida bo‘lishdi. Tashrif davomida vakillarimiz konning ishlab chiqarish jarayonlari va innovatsion texnologiyalardan foydalanish imkoniyatlari bilan yaqindan tanishishdi. 

Mazkur tashrif talabalarga sanoatdagi amaliy bilimlarni yetkazish va ishlab chiqarish jarayonlari bilan to‘g‘ridan-to‘g‘ri tanishish imkoniyatini yaratadi. Shuningdek, kadrlar tayyorlash va kelajakda hamkorlikni rivojlantirish masalalari ham muhokama qilindi. 

Uchrashuv davomida ilmiy-tadqiqot ishlari hamda malakali kadrlar tayyorlashda innovatsion yondashuvlarni qo'llash bo'yicha bir qator rejalar belgilab olindi. 

©️Namangan muhandislik-texnologiya instituti Axborot xizmati